ನೆನಪಿನಂಗಳದ ಸುಂದರಿ

ನೆನಪಿನಂಗಳದ ಸುಂದರಿ
ಕೆ. ಆರ್. ಎಸ್. ಮೂರ್ತಿ

ನೆನಪಿನಂಗಳದಲ್ಲಿ ವೈಯಾರದಲಿ ಕುಣಿದು ತಣಿಸುವ ಸುಂದರಿ
ಬೆಳಕಿನ ಕಿರಣ ಮನೆಯ ಅಂಗಳದಲ್ಲಿ ಚೆಲ್ಲಿದರೆ ನೀನು ಪರಾರಿ

ಕನಸಿನಲಿ ಗೋಚರಿಸಿ ಚರಿಸುವ ಗೌರವರ್ಣದ ಚಿತ್ರದ ಸುಂದರರೂಪಿ
ನನಸಿನಲಿ ಗೋಚರಿಸದೆ, ಕೈಚಾಚಿ ಕೂಗಿದರೂ ಓಗೊಡದೆ ಹೋಪೆ

ಮನಕೆ ಎಟುಕುವ, ನಿದ್ರಾ ದೇವತೆ, ರೂಪಸಿಯೆ ಕಲ್ಪನಾ ಶರೀರೆ
ದಿನದಿ ಎಟುಕದ, ಕಟುಕ ಮನಸಿನ, ನಾಟಕವ ಆಡುವೆ ಬಿಕನಾರಿ

ಕನಸೊಳು ಕಾಣಿಸುವ ವ್ರತವ ಹಿಡಿದವಳ ಒಲಿಸಲಿದು ಉಪಾಯವು
ಹಗಲುಗನಸು ನನ್ನ ಆವರಿಸಿದೆ, ದಿನ ಪೂರ್ತಿ ಪ್ರತಿಯೊಂದು ಗಳಿಗೆಯು