ಶುಕ್ರವಾರ, ಏಪ್ರಿಲ್ 30, 2010

Ancestral Assets

Ancestral Assets
KRS Murthy

Dad’s, Dad’s Dad’s, Dad’s Dad’s Dad’s,
Mom’s, Mom’s Mom’s, Mom’s Mom’s Mom’s,

Dad’s Mom’s, Mom’s Dad’s,
Dad’s Mom’s Dad’s, Mom’s Dad’s Mom’s,
Many grandma’s, many Grandpa’s

Eyes: wide, squint, short sighted.
Eye’s colors: brown, blue, black.

Cheeks: plump, flat, bony
Moles on cheeks: small, large, ugly

Ears: shapes of ears and noses:
Large, small, crooked, flat, long, sharp

Hair: Black, brown, blond, dirty blond, ash
Shapes of hair: straight, brushy, curly, kinky
Hair growth: Lot of thick hair, long and short, Bald.

Brain: dull, smart, sharp, intelligent, genius
Behavior: calm, abrasive, sweet, big mouth.

Body: short, tall, skinny, athletic, muscular, plump
Personality: kind, cruel, scrupulous, sweet, generous

Yes! We all got one, or two, three or more of them
All of us many of my siblings: brothers and sisters

We are all different, with different assets.
Lucky in some, fair or unlucky in some others

We are really all different, but with same assets
Shared, inherited our own way, born with it
Gift from our ancestors; to cherish, a curse sometime

Some even look and behave like apes and animals
Luckily not naked, but wear some clothes, most of the times!
Probably, they went too many thousands or millions of years
Back in time to pick up their ancestral assets, really wild!

We are all made in their combined image, diverse combinations
Many times I feel that they have never really died, just are reliving in us.
What do you call it: genes, born again and again, and again?

ನಮ್ಮೆಲ್ಲರ ಆಸ್ತಿ

ನಮ್ಮೆಲ್ಲರ ಆಸ್ತಿ
ಕೆ. ಆರ್. ಎಸ್. ಮೂರ್ತಿ

ಅಪ್ಪನ ಅಪ್ಪನ ಅಪ್ಪನ ಅಪ್ಪನ ಅಪ್ಪನ,
ಅಮ್ಮನ ಅಮ್ಮನ ಅಮ್ಮನ ಅಮ್ಮನ ಅಮ್ಮನ,
ಅಪ್ಪನ ಅಮ್ಮನ ಅಪ್ಪನ ಅಮ್ಮನ ಅಪ್ಪನ,
ಅಮ್ಮನ ಅಪ್ಪನ ಅಮ್ಮನ ಅಪ್ಪನ ಅಮ್ಮನ
.......
.......
.......
ಅಮ್ಮನ ತಲೆಮಾರಿನ ಅಜ್ಜನ, ಅಜ್ಜಿಯ,
ಅಪ್ಪನ ತಲೆಮಾರಿನ ಅಜ್ಜಿಯ, ಅಜ್ಜನ,

ಕಣ್ಣು: ಬಣ್ಣ, ಕಣ್ಣಿನ ಬಣ್ಣ, ಕನ್ನಡಕ,
ಕೆನ್ನೆ: ತುಂಬುಗೆನ್ನೆ, ಕೆನ್ನೆಯ ಮೇಲಿನ ಮಚ್ಚೆ,
ಕಿವಿ: ಚುರುಕು ಕಿವಿ, ಕಿವುಡು, ಜಾಣ ಕುರುಡು ಕಿವಿ,
ಕೂದಲು: ದಟ್ಟಗೂದಲು, ಗುಂಗುರು, ಬೋಳತಲೆ,
ಮೂಗು: ಉದ್ದ ಮೂಗು, ಚೂಪು ಮೂಗು, ಸುಟ್ಟ ಮೂಗು,
ತುಟಿ: ದಪ್ಪ ತುಟಿ, ಸುಂದರ ತುಟಿ, ಕೆಂದುಟಿ,
ಬಾಯಿ: ದೊಡ್ಡ ಬಾಯಿ, ಬಚ್ಚಲು ಬಾಯಿ, ಮೂಗು ಬಾಯಿ,
ದೇಹ: ಕುಳ್ಳು, ನೀಳ, ಅಗಲ, ಬೊಜ್ಜು, ಕಟ್ಟು ಮುಟ್ಟು
ಮಿದುಳು: ಚುರುಕು, ನಿಧಾನ, ಆತುರ, ಚಾಣಕ್ಯತನ.

ಸಕಲ ಆಸ್ತಿ, ತಲೆಮಾರಿನ ಆಸ್ತಿ, ನಮ್ಮೆಲರಿಗೂ ಹಂಚಿಹೋಗಿದೆ;
ಒಬ್ಬೊಬ್ಬರಿಗೆ ಒಂದೋ, ಎರಡೋ, ಮೂರೋ, ನಾಲ್ಕೋ, ಎಷ್ಟು ಅನ್ನುವುದು
ನಾನು, ನನ್ನ ಅಕ್ಕಂದಿರು, ನನ್ನ ಅಣ್ಣಂದಿರು, ನನ್ನ ತಂಗಿಯರು, ನನ್ನ ತಮ್ಮಂದಿರು
ಎಲ್ಲರಿಗೂ ಭಾಗ, ಹುಟ್ಟಿನ ಭಾಗ್ಯ; ನಮ್ಮ ನಮ್ಮ ಭಾಗ್ಯಕ್ಕೆ ಅನುಸಾರ

ನಮ್ಮ ಭಾಗ್ಯ ಮಾತ್ರ ನಮ್ಮದು, ಸಿಕ್ಕಿದ್ದು ಲಾಭ, ಇಲ್ಲದ್ದು ನಮ್ಮದಲ್ಲ
ಬಂದದ್ದೆಲ್ಲಾ ಬರಲಿ, ದೊರಕಿದ್ದದ್ದೆಲ್ಲಾ ನಮ್ಮ ಬತ್ತಳಿಕೆಯಲಿ ಇರಲಿ

ನಮ್ಮ ತಲೆಮಾರಿನಲ್ಲಿ, ನಮ್ಮ ವಂಶದಲ್ಲೇ ಯಾರೂ ಸಾಯುವುದಿಲ್ಲ.
ಅವರೆಲ್ಲ ಅಮರರು, ನಾವೆಲ್ಲಾ ಅಮರರು, ಚಿರಂಜೀವಿಗಳು
ಸತ್ತದ್ದೆಲ್ಲಾ ನಾಟಕವಿರಬೇಕು; ಮತ್ತೆ ಹುಟ್ಟಿಬರುವ ನೆವ ಅಷ್ಟೆ!

ಅದಕ್ಕೆ ಹೆಸರು ಸಾವಿರಾರು: ಜೀನ್ಸು, ಜೀವ ಸಂಕೇತ, ಪುನರ್ಜನ್ಮ, ಜೀವ ಸಾಫ಼್ಟ್ ವೇರು.
ಜನ್ಮ ಜಾತಕವೆಂದರೆ ಏನು ಹೇಳಿ ನೋಡೋಣ?
ಯಾವಾಗ, ಯಾವ ಗಳಿಗೆಯಲ್ಲಿ ಹುಟ್ಟಿದ್ದು ಮುಖ್ಯವಲ್ಲ;
ಗ್ರಹ, ನಕ್ಷತ್ರಗಳು ಯಾವ ಲೆಕ್ಕಕ್ಕೂ ಪ್ರಯೋಜನವಿಲ್ಲ.
ಏನು ಆಸ್ತಿ ಪಡೆದುಕೊಂಡು ಹುಟ್ಟಿದ್ದು ನಾವು? ಯಾವ ಪೂರ್ವಿಕರ ಆಸ್ತಿ?
ಎಷ್ಟು, ಎಷ್ಟು? ಏನು, ಏನು? ಅದೇ ಹುಟ್ಟಿನ ಜಾತಕ ಫಲ.

ಭಾನುವಾರ, ಏಪ್ರಿಲ್ 25, 2010

ಅನ್ಯತೆಗೆ ಅಂತರ?

ಅನ್ಯತೆಗೆ ಅಂತರ?
ಕೆ. ಅರ್. ಎಸ್. ಮೂರ್ತಿ

ಅನ್ಯ ಲೋಕಗಳ ಇರುಹು ಅರಿವಾಗಿದೆ
ಅನ್ಯ ಲೋಕದ ಅನ್ಯ ಜೀವದ ಇರುಹು?

ಅದೇಕೆ ಕಾಣದೆ, ಈ ಹುಲು ಮಾನವಗೆ
ಅರಿಯದೆ ಕಣ್ಣು ಮುಚ್ಚಾಲೆ ಆಟವನಾಡುತಿದೆ?

ಇದ್ದರೆ ಇರಬಹುದು, ಇಲ್ಲದೆಯೂ ಬಹುದು
ನನ್ನಿರುವಿನ ಅರಿವು ಅನ್ಯ ಜೀವಕ್ಕೆ ಅರಿವುಂಟೇ?

ಕೋಟಿ, ಕೋಟಿ ಕಿರಣ ಜವ ವರುಷ ದೂರದ
ತಾರೆಯನು ಸುತ್ತುವ ಗ್ರಹದಲ್ಲಿ ಗೃಹ ಮಾಡಿದ್ದರೆ?

ಅನ್ಯ ಜೀವ ಅನನ್ಯ ಆಗುವುದೇ?
ನಾನು ಅನ್ಯ ಜೀವಕ್ಕೆ ಅನ್ಯ!

ಜೀವ-ಜೀವಕ್ಕೆ ಅನ್ಯತೆಯ ನ್ಯೂನತೆ
ಹೊಸದೇನಲ್ಲ ನಮ್ಮ ಗ್ರಹದ ಗೃಹದೊಳಗೆ!

ಅನ್ಯತೆಗೆ ದೂರ ಹತ್ತಿರಗಳಿಲ್ಲ!
ಅವಳಿ-ಜವಳಿಗೇ ಜಗಳ ಅಂತರ ಆದರೂ
ಕಿಂಚಿತ್ತೂ ಅಚ್ಚರಿಯಿಲ್ಲ!

ಬುಧವಾರ, ಏಪ್ರಿಲ್ 14, 2010

ಕೆಟ್ಟವನಲ್ಲಪ್ಪ ನಾನು!

ಕೆಟ್ಟವನಲ್ಲಪ್ಪ ನಾನು!
ಕೆ. ಆರ್. ಎಸ್. ಮೂರ್ತಿ

ಸ್ವಾಮಿ! ಅಮ್ಮಾವ್ರೇ! ಸರಿಯಾಗಿ ಕಿವಿ ಕೊಟ್ಟು ಕೇಳಿ ನನ್ಮಾತು.
ಕೆಟ್ಟವನಲ್ಲರೀ ನಾನು, ಬರೀ ಸುಳ್ಳುಗಳು ಅವರಿವರ ಮಾತು

ಸೊಟ್ಟ, ಸೊಟ್ಟ ಮಾತಲ್ಲದೆ, ನಾಟಕ ಆಡುವವನು ಆ ಕೆಟ್ಟ ಕವಿ
ನೆಟ್ಟದಾಗಿ ಒಂದು ಮಾತಿಲ್ಲ, ಗುಂಡುಗೋವಿ; ಹುಡ್ಗೀರ್ಗೆ ಅವನೇ ಸವಿ

ಯಾವಾಗ್ಲೂ ಹುಡುಗೀರ ಮೈಮೇಲೇಯೇ, ಮೇಲೇ, ಕೆಳಗೇ ಅವನ ಕಣ್ಣು
ಕಂಡ ಹುಡುಗೀರ್ಗೆಲ್ಲಾ ಮಾಯ ಮಾಡಿ ಬಿಡ್ತಾನೆ, ಇವನಾಸೆ ಪರಹೆಣ್ಣು

ಅವ್ರು ಇವ್ನ ಹಿಂದೇನೇ ಯಾವಾಗಲೂ ಹಿಂಬಾಲಿಸಿ ಕೊಂಡಿರೋಹಾಗೆ ಹಾಗೆ ಮಾಟ
ಉಪವಾಸದಿಂದ ಹಸಿದ ಹುಡುಗೀರ್ಗೂ ಬೇಕುರೀ ಇವನ ಪರಿ ಪರಿ ಚೆಲ್ಲಾಟ

ಅವ್ನು ಕೆಟ್ಟೋನು ಅಂತ ನಾನೂ ಅವನ ಹಾಗೆ ಹೆಣ್ಣಿನ ಹುಚ್ಚು ಕೇಡಿಗ ಅನ್ನಕೋ ಬೇಡಿ
ಗಟ್ಟಿ ಮೊಸರು ಗಡಿಗೆ ಪೂರ್ತಿ ಕದ್ದು ತಿಂದು ತಿಂದು, ನನ್ನ ಬಾಯಿಗೆ ಕೆಸರು ನೋಡಿ

ನಾನೇನಾದರೂ ನಿಮ್ಮ ಹೆಂಡತಿ ಎಲ್ಲಾ ಕಡೆನೂ ಉಬ್ಬಿ ಬಹಳ ಚೆನ್ನಾಗಿದಾಳೆ ಅಂತ
ಸ್ವಲ್ಪ ಜಾಸ್ತಿ ಅವ್ಳ ಬಗ್ಗೇನೇ ವಿವರಿಸಿ ಮಾತಾಡಿದ್ರೆ, ಹೇಳಿ ನಿಮಗೆ ತೊಂದರೆ ಇಲ್ಲಾಂತ

ಸ್ವಲ್ಪ, ಸ್ವಲ್ಪ ಕೀಟಲೆ ಮಾಡ್ತೀನಿ ನಿಮ್ಮ ಹೆಂಡ್ತೀನ, ಒಂದೊಂದು ಸಾರಿ ಕೈಯೂ ಹಿಡ್ಕೊಂಡು
ಅವ್ಳೇನಾದ್ರು ನನ್ನ ಕಡೆ ನೋಡಿ ನಕ್ಕಾಗ, ಅವ್ಳ ಕೆನ್ನೆ ಕೆಂಪಾಗಿದ್ಯಾಂತ ಹತ್ತಿರದಿಂದ ಕಂಡು

ನನಗೂ ಒಂದು ತರಹ ಒಳಗೇ ಏನೋ ಆನಂದ; ಉಪ್ಪು, ಹುಳಿ, ಖಾರ ತಿನ್ನೋವ್ಳಿಗೂ ಹಾಗೇ ತಾನೆ
ಅಕಸ್ಮಾತ್ ಅವ್ಳನ್ನ ಇನ್ನೂ ಹತ್ತಿರ ಎಳ್ಕೊಂಡ್ರೆ, ಸೀರೆ ಸೆರಗು ಎಳೆದರೆ ಪರವಾಗಿಲ್ಲ ತಾನೆ?

ನಿಮ್ಗೂ ಆಫ಼ೀಸಿನಲ್ಲಿ ಕೆಲಸ ಜಾಸ್ತಿ ಅಂತ ಹೇಳಿದ್ದೀರಿ, ಇಬ್ರಿಗೂ ಮನೇಲಿ ಬಹಳ ಟೆನ್ಷನ್ ಇದ್ದಾಗ
ಆಗಾಗ ಊರಾಚೆ ಟೂರ್ ಹೊಗೋದಿರತ್ತೆ ಪಾಪ ನಿಮಗೆ, ಆಗ ಅವ್ಳು ಆಸೆಯಿಂದ ಮನೆಗೆ ಕರೆದಾಗ

ಒಂಬಂಟಿತನದಿಂದ ಬೇಸರ ಮಾಡಿಕೊಂಡಿದಾಳೆ ಅಂತ, ಚೂರು ಚೂರು ಆಟ ಆಡೋಣಾಂತ ಅಷ್ಟೆ
ರಾತ್ರಿಯೆಲ್ಲಾ ಆಡಲ್ಲಪ್ಪ ನಾವು, ಒಂದು ಐದು ನಿಮಿಷ ನಿದ್ದೆ ಇಬ್ಬರಿಗೂ ಗ್ಯಾರಂಟಿ ಆಗತ್ತೆ

ಬೆಳಗ್ಗೆ ಬ್ರೇಕ್ ಫ಼ಾಸ್ಟ್ ಮುಗಿದ ಮೇಲೆ ಒಂದೆರಡು ಸಾರಿ, ಲಂಚಿಗೆ ಮುಂಚೆ ಒಂದಿಷ್ಟು ಚೆಲ್ಲಾಟ
ಊಟ ಆದ ಮೇಲೆ, ಸ್ವಲ್ಪ ಸಿಹಿ ಬೇಕಲ್ವೇ! ತಂಗಾಳಿಯಲ್ಲಿ ಕೈಹಿಡಿದು ವಾಕಿಂಗು ಮಾಡ್ತಾ ಸಂಜೆ

ಡಿನ್ನರ್ರಿಗೆ ಸಿಹಿ ತಿಂಡಿ ಬೇರೆ, ಬೇರೆ ತರಹ, ಆಟ, ಊಟ ಅಡಿಗೆ ಮನೇಲಿ ಎಲ್ಲೆಲ್ಲಾ ಕಡೆಯಲ್ಲಿ
ನಿಮ್ಮವ್ಳಿಗೆ ಸಿಹಿ ತಿಂಡಿಗಳು ಅಂದ್ರೆ, ಒಂದಲ್ಲ, ಎರಡಲ್ಲ ಬಹಳ ಇಷ್ಟಾಂತ ನಿಮಗೆ ಗೊತ್ತಿರಲಿ

ಏನಂದ್ರೀ? ಎನೇನೋ ಮಾತಾಡ್ತಿದೀನೇ ನಾನು? ನಿಮ್ಮ ಹೆಂಡ್ತಿ ಬಗ್ಗೇನಾ? ಏನೇನೋ ಕೆಟ್ಟದಾಗಿ ಅಂದಿರಾ?
ಓ! ಅದು ನಾನಂತೂ ಅಲ್ಲ. ಆ ಕವಿ, ಸಂಗೀತಗಾರ, ನಾಟಕಕಾರ ಇರಲೇ ಬೇಕು! ಇದೆಲ್ಲ ಮಾತು ಅಂದರೆ

ನಾನು ಒಳ್ಳೆಯವನಪ್ಪ. ನಾನು ಆವಾಗಲೇ ಹೇಳಿದನಲ್ಲ ನಾನ್ಯಾವಾಗ್ಲೂ ಚಿನ್ನದಂಥ ಮಾತಾಡೋನೇ
ಒಂದೊಂದು ಸಾರಿ, ನನಗೇ ಮರೆಮಾಸಿ, ಮಾಯ ಮಾಡಿ ನನ್ನ ಮೈಮೇಲೆ ಬಂದ್ಬಿಡ್ತಾನೆ! ಆಟ ಆಡ್ತಾನೆ!

ಸೋಮವಾರ, ಏಪ್ರಿಲ್ 12, 2010

Murthy said

Murthy said:

It looks like to be bald, mild and old is better than being bold, glad and bad like me. Life favors meek, freak and quacks!

Do you want to be bold or bald?

Do you want to be bold or bald?
K.R.S. Murthy

Bold and handsome: Yes, that's me.
Bald and lucky: I would really like to be

Bald men are nor just lucky
They are very smart, intelligent and successful
Lots of money, a sweet honey at home,
a lover or more on the side,
most of the time very famous.

Women may not always like bold men
They surely like bald and mild

You need to have a bald dad or grandapa
to inherit that special virtue of baldness
I have full set of hair, my dad and grandpa too.

Well! I wish I can be born once again bald!
In my next birth, I want to be completely bald.

Murthy said

Murthy said:

Loving your neighbor, and even making love, is a good idea. Expect your neighbor's husband to be doing the same with your wife!

When you marry a beautiful wife, expect her to chaet on you.

It is good idea to go bald. That is beacuse I have seen that all bald men have very beautiful wives. It may be very possible that these beautiful women like snuggling with the ugly. If you are bald and reading this, thank me, as I am wishing you get a beautiful wife soon, if you are unmarried, or leave her if she is not so beautiful and get lucky with someone very beautiful that you deserve, especially beacause of your baldness.

ಭಾನುವಾರ, ಏಪ್ರಿಲ್ 11, 2010

ಅದೂ ನಾನೇ; ಇದೂ ನಾನೇ

ಅದೂ ನಾನೇ; ಇದೂ ನಾನೇ
ಕೆ. ಆರ್. ಎಸ್. ಮೂರ್ತಿ

ಮುಖ ಎರಡು:
ಇತ್ತ, ಅತ್ತ

ಕಣ್ಣು ಎರಡು:
ಪೂರ್ವ, ಪಶ್ಚಿಮ

ಭಾವವೂ ಎರಡೇ:
ಸುಖ, ದುಃಖ

ಗುಣ ವ್ಯತಿರಿಕ್ತ:
ಇನ್ ಮತ್ತೆ ಯಾಂಗ್

ಬಣ್ಣ ಬೇರೆ-ಬೇರೆ:
ಕಪ್ಪು, ಬಿಳುಪು

ನಾಲಗೆಯದು ಎರಡು ರಸ:
ಖಾರ, ಸಿಹಿ

ಕಿವಿಗೆ ಬಡಿಯುವುದು:
ಕೆಟ್ಟದು, ಒಳ್ಳೆಯದು

ಮೂಗಿಗೆ ಆಘ್ರಾಣ:
ಗಬ್ಬು ಗಂಧ, ಸುಗಂಧ

ಬಾಯಿ ಒಂದೇ. ಆದರೆ!:
ಬಚ್ಚಲು ಬೈಗುಳ, ಸಕ್ಕರೆಯ ನುಡಿ

ಕೆನ್ನೆಗಳು ಎರಡು:
ಒಂದು ಮುದ್ದು, ಇನ್ನೊಂದು ಪೆದ್ದು

ಕೈಗಳೂ ಎರಡು:
ಒಂದರಲ್ಲಿ ನಮನ, ಇನ್ನೊಂದರಲ್ಲಿ ಚಾಕು

ಎರಡು ಕಾಲುಗಳು:
ಒಂದರಲ್ಲಿ ನೃತ್ಯ, ಇನ್ನೊಂದಿರುವುದು ಒದೆಯಲು

ಪಾದಗಳೂ ಎರಡು:
ಒಂದು ಗಂಗೆಯಲ್ಲಿ, ಮತ್ತೊಂದು ವಿಷ್ಣುವಿನ ಎದೆಯನ್ನೇ ಮೆಟ್ಟಲು

ಬೆಳಗ್ಗೆಯೆಲ್ಲಾ ಡಾಕ್ಟರ್ ಜೆಕಿಲ್,
ರಾತ್ರಿಯ ಹೊತ್ತಿಗೆ ಮಿಸ್ಟರ್ ಹೈಡ್

ಮೊಲೆಗಳು:
ಅನುಸೂಯ ಒಂದಾದರೆ, ಪೂತನಿಯ ಬೆಟ್ಟದಂಥ ಮೊಲೆ

ಮಿದುಳಿನಲ್ಲಿನ ಸುಂದರಿಯರು:
ಲಕ್ಷ್ಮಿ, ಸರಸ್ವತಿ

ದೇವನೂ ನಾನೇ, ದಾನವನೂ ನಾನೇ
ರಾಮ-ರಾವಣ, ಕೌರವ-ಪಾಂಡವ,
ಬ್ರಹ್ಮ-ಹರ, ವಾಮನ-ಬಲಿ

ವಿವಾಹ-ವಿಚ್ಛೇದನ:
ವಿವಾಹವೇ ಆಗದೇ ಹೋದರೆ,
ವಿಚ್ಛೇದನೆ ಆಗಬಲ್ಲುದೆ?

ಆಸೆ-ನಿರಾಸೆ:
ಆಸೆಯಿಲ್ಲದೇ ಹೋದರೆ,
ನಿರಾಸೆ ಯಾವುದರ ಮೇಲೆ?

ಬುಧ್ಧನಿಗೆ, ಸ್ಥಿತ ಪ್ರಜ್ಞನಿಗೆ
ಅದೂ ಇಲ್ಲ, ಇದಂತೂ ಇಲ್ಲವೇ ಇಲ್ಲ.

ಹುಲು ಮಾನವ ನನಗೆ:
ಸಾವಿರಾರು ಮುಖ

ಶನಿವಾರ, ಏಪ್ರಿಲ್ 10, 2010

ಇಲ್ಲಿ-ಅಲ್ಲಿ ಒಂದೊಂದು ಕಾಲು

ಇಲ್ಲಿ-ಅಲ್ಲಿ ಒಂದೊಂದು ಕಾಲು
ಕೆ. ಆರ್. ಎಸ್. ಮೂರ್ತಿ

ಪ್ರಜಾ ಪೌರತ್ವದ ಹೆಮ್ಮೆ, ಒಂದಲ್ಲ, ಎರಡುಕ ದೇಶದ್ದು
ದೇಶ ಬಿಟ್ಟು, ಹಾರಿಬಂದು ಪರದೇಶ ತಲುಪಿದ್ದಾಯ್ತು
ನೆಲೆಸಿದ್ದೂ ಆಯ್ತು, ಮನೆ, ಮಠ ಕಟ್ಟೂ ಆಗಿಹೋಯ್ತು

ಮತ್ತೇನೋ ಕೊರತೆ:
ಆಲ್ಲಿ ಇಲ್ಲ, ಇಲ್ಲಿಯೇ ಎಲ್ಲ, ಇದೆಲ್ಲ ಸಲ್ಲದು.

ಇದೂ ಇರಲಿ, ಅದೂ ಇರಲಿ, ಒಂದೊಂದು ಕಾಲು ಅಲಿ, ಇಲ್ಲಿ.
ಇಲ್ಲಿದ್ದಾಗ ಅಲ್ಲಿ ಮನ, ಅಲ್ಲಿದ್ದಾಗ ಮನವೆಲ್ಲ ಇಲ್ಲಿ
ಕಟ್ಟಿಯೂ ಆಯ್ತು ಇಲ್ಲೊಂದು ಬಂಗಲೆ, ಅಲ್ಲೂ ಇರೆಲೆಂದು ಮನೆ
ಇಲ್ಲಿಂದ ಅಲ್ಲಿಗೆ ಹೋಗುವಾಗ, ಬೇಕು ತೆರೆದ ಬಾಗಿಲು
ಇಲ್ಲಿಗೆ ಮರಳಿ ಬಂದಾಗ ಕೂಡ, ತೆರೆದಿರಲಿ ಬಾಗಿಲು.

ಆಗ ಬಂದಾಗ ಅಪ್ಪ-ಅಮ್ಮ ಅಲ್ಲೇ; ಬಾಳು ಮಾತ್ರ ಇಲ್ಲೇ.
ಮಕ್ಕಳು ಇಲ್ಲೇ; ಮುದಿತನ ಬಂದಾಗ ಗಂಡ-ಹೆಂಡತಿ ಅಲ್ಲೇ.

ಇಲ್ಲೂ ಬೇಕು, ಅಲ್ಲೂ ಬೇಕು, ಬೆಲ್ಲದ ಬಾಳು ಅಲ್ಲಿ-ಇಲ್ಲಿರಬೇಕು
ಅಲ್ಲಿದ್ದಾಗ ಇಲ್ಲಿನ ಮಕ್ಕಳ ಚಿಂತೆ; ಮಕ್ಕಳು ನಿಮ್ಮ ಮರೆತಿರಬೇಕು!

ಕಾಲೆತ್ತುವ ಕಾಲಕ್ಕೆ, ಅಲ್ಲಿಗೆ ನಿಮ್ಮ ಎಳೆದೊಯ್ಯುವ ಕಾಲನೂ ಬಂದಾನು
ಇಂದಲ್ಲ, ನಾಳೆ; ತಳ್ಳಿದರೆ, ಮುಂದಿನ ವಾರ, ತಿಂಗಳು ಎಳೆವರು ನಿಮ್ಮನು

ವರುಷ-ವರುಷಕೂ ತಿಂಗಳುಗಳು ವಾರಗಳು, ವಾರಗಳು ದಿನಗಳು, ನಿಮಿಷಗಳು
ರೆಡಿಯಾಯಿತೇ ನಿಮ್ಮ ಸೂಟ್ಕೇಸು? ನಿಮಗೆ ಬೇಕಿಲ್ಲ ಟಿಕೆಟ್ಟು, ಎಲ್ಲ ಪುಕ್ಕಟ್ಟು!

ನಾಕವೋ, ನರಕವೋ ಸೇರುವುದು ಖಾತರಿ; ಎಲ್ಲಿಗೆ ಹೋಗುವಿರಿ ಯಾರಿಗೆ ಗೊತ್ತು!
ಹೊರಡಿ ಒಂದು ಕಾಲಿಲ್ಲಿ, ಇನ್ನೊಂದು ಕಾಲಲ್ಲಿ ಊರುವ ಹಂಬಲವನೆಲ್ಲ ಇಲ್ಲೇ ಬಿಟ್ಟು

ಇದು ಮಾತ್ರ ಒನ್ ವೇ ಟಿಕೆಟ್ಟು, ನಿಮಗೆಂದೇ ಬಿಟ್ಟಿ ಸ್ಪೆಷಲ್ ಚಾರ್ಟರ್ ಪ್ರಯಾಣ
ಮಾಡಿ ಸವಾರಿ, ಮುಖ ಹಿಂದಗೆ ಮಾಡಿ, ಕಣ್ಮುಚ್ಚಿ ಭಯಂಕರ ಎಮ್ಮೆ ಕೋಣನ

ಶುಕ್ರವಾರ, ಏಪ್ರಿಲ್ 9, 2010

Dr. Murthy said:

Dr. Murthy said:

Nurture your culture and respect others too, for it is like mother’s milk for an infant, necessary for healthy growth. Pride in your culture and abide by the other’s while in their lands.

Ignore most of the people, sights, ideas, advice, history, news and requests, to achieve utmost fidelity.

Most of the people are boring, pompous, selfish, uncaring of others, greedy, subscribe to by-standards, unscrupulous, wicked, cheap, covet other’s successes, and senseless. However, to be unique, do not be like others, unless you want to belong to that group.

Our eye and the brain register many sights every day, month and year, of which the brain decides to keep and treasure only one in million for their longstanding value.

Natural wonders are the sights that our eyes enjoy, and some special ones in orgasmic wonder. Our eye-brain combination seems to prefer symmetry, yet circles and spheres that are most symmetric are treated as routine. Symmetrical objects full of lots of features enjoyable. Selected asymmetry is uniquely beautiful.

Ignore ideas thrown at you all the time whether they are from people, advertisements and meaningless collection of words in print or internet. Learn to ignore most of the ideas that arise like waves in an ocean. The more you learn to ignore, the better you get in identifying gems.

Do not read any autobiographies, especially because they probably may not tell yew you all their vices, failures, personal secrets and their bad days, months and years, by dressing up their biography with colorful adornments. As it takes few years to write their biography, that is the precious time they did not do much worthwhile and thought about themselves.

Imitation is easy, which even a parrot and most people do. Be very original that others would love to imitate. Creativity is a blessing and treasure and nurture it. Nurture the creativity in others, as it takes real creativity to foster it in others. I am tired of many people claiming to be creative, when they either can not differentiate routine enthusiasm from creativity or it is nothing more than vanity to be labeled to be creative. I have resorted to developing paradigm shifts to maintain distinction.

ಮಂಗಳವಾರ, ಏಪ್ರಿಲ್ 6, 2010

ಕಚಳ (ಲ) ಕೈಚಳಕ

ಕಚಳ (ಲ) ಕೈಚಳಕ
ಕೆ. ಆರ್. ಎಸ್. ಮೂರ್ತಿ

ಕೈಚಾಲಕ
ಕೈಚೀಲ
ಚಾಯ್ ಕಾಲ
ಚಿಕ್ಕ ಕಳ್ಳ
ಚೊಕ್ಕ ಕಳ್ಳ
ಛೀ ಕಳ್ಳ
ಚಿಕ್ಕ ಕುಳ್ಳ
ಚೋಳ ಕಲ್ಲು
ಚಿಕ್ಕ ಕಲ್ಲು
ಚಿಂಕು ಕಳ್ಳು
ಛಿಂಕು ಲೋಕ
ಚೋಳ ಲೋಕ
ಚಾಯ್ ಲೋಕ
ಚಾಲೂ ಚಿಂಕು
ಚಲೋ ಚಿಂಕು
ಚಿಕ್ಕ ಕಂಚು
ಚಿಕ್ಕ ಕೊಳ
ಕೀಳು ಚಿಂಕು
ಚಾ ಚಾ; ಕಾ ಕಾ
ಲೆಕ್ಕ, ಚಿಕ್ಕ ಲೆಕ್ಕ
ಚಿಂಕು ಲೆಕ್ಕ
ಲೇಖ
ಚಲ, ಛಲ, ಕಲ
ಕೋಲ, ಚಿಕ್ಕ ಕೋಲ
ಕೊಳ್ಳು, ಕೊಳ್ಳಿ, ಕೋಳಿ, ಕುಳ್ಳಿ, ಕೂಲಿ, (ಚಿಕ್ಕ, ಲೆಕ್ಕ)
ಕಾಚ, ಕಚ, ಕಚ್, ಕಚ್
ಕೋಚು, ಕೊಚ್ಚಿ, ಕೊಚ್ಚು, ಕೆಚ್ಚು,
ಲಂಚ, ಲಂಛ,
ಕುಂಚ, ಕೊಂಚ, ಕ್ರೌಂಚ, ಕೆಂಚ,
ಚಿಕ್, ಕಿಲ್, ಲಿಕ್, ಲುಕ್, ಲೈಕ್, ಲಿಂಕ್
ಲುಚ್ಚ, ಲುಛ್ಛ,
ಕಲಿ, ಕಾಳಿ,
ಚಕ್ಕುಲಿ,
ಲಂಕ,
ಕಂಚುಕ, ಕಂಚಿಕ, ಕಂಚಿಕಾಯ್
ಕಂಕ, ಚಂಚ,

(ನೀವೂ ಕೂಡ ಇನ್ನೂ ಅನೇಕ ಪದಗಳನ್ನು ಹುಡುಕ ಬಹುದು)

ಅಕ್ಷರ ಕೈಚಳಕ

ಅಕ್ಷರ ಕೈಚಳಕ
ಕೆ. ಆರ್. ಎಸ್. ಮೂರ್ತಿ

ರಕ್ಷೆ, ರಿಕ್ಷಾ, ಇಕ್ಷು, ಅಕ್ಷಿ, ಈಕ್ಷೆ, ಅಂಕ್ಷ
ಕ್ಷಾರ, ಕ್ಷೀರ, ಕ್ಷರ,

(ನೀವೂ ಕೂಡ ಇನ್ನೂ ಅನೇಕ ಪದಗಳನ್ನು ಹುಡುಕ ಬಹುದು)

ಸಾಹಿತ್ಯ (ಸಹಿತ) ಚಳಕ

ಸಾಹಿತ್ಯ (ಸಹಿತ) ಚಳಕ
ಕೆ. ಆರ್. ಎಸ್. ಮೂರ್ತಿ

ಹಿತ, ಸಹಿತ, ಸುಹಿತ,
ಸುತ, ಸೋತ, ಸೂತ, ಸತ್ತ, ಸತ್ತು, ಸತ್ಯ, ಸಾಹಿತ್ಯ
ಸೂಸಿ, ಸೋಸಿ, ಸೈಸಿ, ಸಾಸಿ, ಸಹಿಸಿ, ಸುತ್ತಿಸಿ, ಹಾಸಿ, ಹಾಸು, ತಾಸು,
ತಾತ, ತೂತು, ತಂತು, ತಿಥಿ, ಸಂತ, ಹಂತ, ಹಂಸ, ಹಿಂಸೆ
ಹಿತೈಶಿ, ಸಂತೋಷ, ಸಂತಸ, ಸಂಹಿತ, ಸಂಸ, ಸಾಹಸ

(ನೀವೂ ಕೂಡ ಇನ್ನೂ ಅನೇಕ ಪದಗಳನ್ನು ಹುಡುಕ ಬಹುದು)

ಸೋಮವಾರ, ಏಪ್ರಿಲ್ 5, 2010

ಅಕ್ಷರ ಕೈಚಳಕ

ಅಕ್ಷರ ಕೈಚಳಕ
ಕೆ. ಆರ್. ಎಸ್. ಮೂರ್ತಿ

ಅಂಗೈಯಲ್ಲಿರುವುದು ಐವತ್ತೆರಡು
ಅಂದ, ಅಂದ ಹಾಗೇ,
ನಿಮ್ಮ ಕಣ್ಣ ಮುಂದೆಯೇ,
ಮಾಡುವೆನು ಕೈಚಳಕ

ಮಿಂಚಿನ ವೇಗದ ಕೈಚಳಕ
ತನು, ಮನಕೆಲ್ಲ ಮಾಡಿಸುವೆ ಜಳಕ
ನೀರು, ಸೋಪಿಲ್ಲದ ಸೊಗಸಿನ ಜಳಕ
ತಲೆಯೊಳಗೆ, ಮೈಯೊಳಗೆ,
ಮೇಲೆ, ಕೆಳಗೆ, ತಳದ ಒಳಗೆಲ್ಲ
ಆವಾಹನೆ, ನಿಮಗೆಲ್ಲ ಪರಿ, ಪರಿ ಪುಳಕ

ನೆತ್ತಿಗೆ ಏರಿಸುವೆ, ಮೆತ್ತಗೆ ಮೈನರೆಸುವೆ,
ಎತ್ತರ, ಎತ್ತರಕೆ ಹಾರಿಸುವೆ,
ಮತ್ತೆ, ಮತ್ತೆ ಮೈಮರೆಸುವೆ,
ಮನದ ಮೈಲಿಗೆ ಕಳೆಸುವೆ.

ಚಳಕ ನನ್ನದು ಬೆಳಕಿನ ವೇಗ
ಬೇಕಾಗಿದ್ದಾರೆ ಲೇಖನಿಗಾರರು ಇಂದೇ
ಬೆರಳಚ್ಚುಗಾರ ಪ್ರವೀಣೆಯರು.

ಆನೆ ತಲೆಯಿದ್ದವರು ಅರ್ಜಿ ಹಾಕುವ ಅವಶ್ಯಕತೆ ಇಲ್ಲ,
ಗುಂಡೂರಾಯನು ಬಲು ನಿಧಾನಿ.
ನನಗೆ ಬೇಕು ಸರಸತಿ, ಪರಸತಿ
ಬಾಬೇಗ ವಾಗ್ದೇವಿ,
ಬಿಡುಬೇಗ ಮುದುಕ ಬೊಮ್ಮನ
ಉಟ್ಟ ಬಟ್ಟೆಯಲೇ ಬಂದರೂ ಸಾಕು
ಹುಟ್ಟ ಬಟ್ಟೆಯಲೇ ನಿಂದರೆ ಬೇಕು
ಬಾಬೇಗ ಮೀಟು ನನ್ನ ವೀಣೆಯ
ಕೊಡುವೆನು ಕೈಚಳಕದ ಆಣೆಯ
ಕೈಕುಣಿತದ ಕೈಚಳಕವು
ದಣಿವಿಲ್ಲದೆ ತಣಿಸುವುದು
ನಿನ್ನ ಮೇಲೆ, ಒಳಗೆ, ಕೆಳಗೆ ಎಲ್ಲೆಲ್ಲೂ.
ಕೇಸರಿಯ ಕೆನ್ನೆ ನಿನ್ನದು ಕೆಂಪೇರಿ
ಸೂಕ್ಷ್ಮಾಂಗಿ ಮೃದಂಗಗಳು ಕಂಪಿಸಿ
ನಾಟ್ಯ ಕಟಿಯು ಚಿಮ್ಮುತಲಿರಲು
ಹೊಮ್ಮುವುದು ಅತಿ ಆನಂದದ ಕೇಕೆಯು
ಮಧುರ ವಾಣಿಯಲ್ಲವೇ ನೀನು
ನಾನಾಗ ನಿನ್ನ ಅಕ್ಷರ ಬ್ರಹ್ಮ.

ಅಕ್ಷರದ ಭಕ್ಷ್ಯದ ಮೃಷ್ಟಾನ್ನ,
ರಸಿಕರಿಗೆ ನವರಸದ ರಸದೌತಣ,
ಸಹೃದಯಿಗಳಿಗೆ ಸಿಹಿ ಕ್ಷೀರದ ಪಾಯಸ,
ಉಂಡಷ್ಟೂ ಉಣಬೇಕು ಇನ್ನೊಮ್ಮೆ, ಮತ್ತೊಮ್ಮೆ,
ಓದುಗರಿಗೆ ಔತಣವ ಬಡಿಸುವೆನು
ನನ್ನ ತುಟಿಯಿಂದ ನಿಮ್ಮ ತುಟಿಗೆ
ಮುದ್ದು ಮಾಡಿ, ಮುತ್ತು ಕೊಟ್ಟು
ತಿನ್ನಿಸುವೆ ಬನ್ನಿ ತೊಡೆಯ ಮೇಲೆ
ಆಗಸದಲಿ ಅಕ್ಷರದ ತಾರಾ ನಕ್ಷೆ,
ಪಕ್ಷ ಪಾತವೇ ಇಲ್ಲದೆ ವೀಕ್ಷಿಸಿರಿ
ಅಂತರಂಗದ ಅಕ್ಷಿಯಲಿ ಸಾಕ್ಷಿ

ಸಾರ್, ಸಾರ್

ಸಾರ್, ಸಾರ್
ಕೆ. ಆರ್. ಎಸ್. ಮೂರ್ತಿ


ಸಾರ್, ಸಾರ್
ಬನ್ನಿ ಒಳ್ಗೆ ಸಾರ್

ಏನ್ರೀ ಇವತ್ತಿನ ಮೆನ್ಯು?

ಸಾರ್ ಸಾರ್

ಏನ್ರೀ, ಆಗ್ಲೆ ಹೇಳಿದ್ರಲ್ಲ ಸಾರ್, ಸಾರ್ ಅಂತ

ಇಲ್ಲ ಸಾರ್. ಇವತ್ತಿನ ಮೆನ್ಯು ಸಾರ್ ಸಾರ್

ಹಾಗಂದ್ರೆ ಏನ್ರೀ? ನೀವು ಹೇಳೋದು ಅರ್ಥ ಆಗ್ತಾ ಇಲ್ಲ!

ನಮ್ದು ಸಾರ್ ಹೋಟ್ಲು ಸಾರ್.
ನಾವು ಮಾಡೊದು ಬರೀ ಸಾರ್

ಬರೀ ಸಾರ್ ಒಂದೇ ಮಾಡಿದ್ರೆ, ಹೇಗ್ರೀ ಆಗತ್ತೆ?

ಇಲ್ಲ ಸಾರ್. ನಾವು ಎಲ್ಲಾ ತರಹ ಸಾರ್ ಮಾಡ್ತೀವಿ ಸಾರ್.

ಎಲ್ಲಾ ತರಹ ಅಂದ್ರೆ ಏನ್ರೀ? ಪ್ರಪಂಚದಲ್ಲಿ ಇರೋದು ಒಂದೇ ತರಹ ಸಾರ್ ಅಲ್ವೇನ್ರೀ?

ಅಲ್ಲ, ಅಲ್ಲ ಸಾರ್

ಹಾಗೆ ತುಂಬ ಸತಿ "ಅಲ್ಲ ಅಲ್ಲ" ಅನ್ನಬೇಡ್ರಿ. ನಾವು ಕಟ್ಟು ನಿಟ್ಟು ಹಿಂದುಗಳು
ನಿಮ್ಮನ್ನ ನೋಡಿದ್ರೆ ಮಾಧ್ವರ ತರಹ ಕಾಣ್ತೀರಿ, ಮುದ್ರೆ ಮೈಮೇಲೆಲ್ಲ ಹಾಕ್ಕೊಂಡು!
"ಅಲ್ಲ ಅಲ್ಲ" ಅನ್ನೋದು ನಿಲ್ಲಿಸ್ರಿ ಸಾಕು

ಆಯ್ತು ಮಾರಾಯ್ರೆ! ನಿಮ್ಮನ್ನ ನೋಡಿದ್ರೆ ನೀವು ಅಯ್ಯಂಗಾರ್ ತರಹ ಕಾಣಿಸ್ತೀರಿ
ನಿಮ್ಮ ನಾಮ ತುಂಬ ಚೆನ್ನಾಗಿದೆ, ಸಾರ್.

ನಿಮ್ಮ ಸಾರಿನ ಮೆನ್ಯು ಪೂರ್ತಿ ಹೇಳ್ರಿ

ಈ ಕಡೆ, ನಿಮ್ಮಂಥವ್ರಿಗೆ, ನಮ್ಮಂಥವ್ರಿಗೆ. ಅಂದ್ರೆ ನಾಮ, ಮುದ್ರೆ, ವಿಭೂತಿ ಹಾಕ್ಕೊಳೋರಿಗೆ

ಸರಿ ಅರ್ಥವಾಯ್ತು. ಮುಂದೆ ಹೇಳಿ.

ಇವತ್ತಿನ ಮೆನ್ಯು, ಯಾವತ್ತಿನ ಮೆನ್ಯು ಎಲ್ಲಾ ಒಂದೇ ಸಾರ್.
ಬೇರೆ ಬೇರೆ ತರಹ ಸಾರ್ ಸಾರ್.
ತಿಳಿ ಸಾರ್, ಮೈಸೂರ್ ಸಾರ್,
ಮದ್ರಾಸ್ ಸಾರ್, ಹೂರಣದ ಸಾರ್,
ತರಕಾರಿ ಸಾರ್, ಬೇರೆ ಬೇರೆ ತರಕಾರಿ ಸಾರ್
ಬರೀ ಟೊಮೋಟ ಸಾರ್
ಹುಣಿಸೇ ಸಾರ್, ಮೆಣಸಿನ ಸಾರ್, ಸಾರ್.

ನೀವು ತರ, ತರ ಸಾರ್ ಹೇಳೋದು ನೋಡಿದ್ರೆ,
ಬಾಯಲ್ಲಿ ನೀರೂರತ್ತೆ ಮಾರಾಯ್ರೆ!

ಇನ್ನೇನು ತರಹ ತರಕಾರಿ ಹಾಕಬಹುದು ಸಾರಿಗೆ?

ನಿಮ್ಗೇನು ತರಕಾರಿ ಬೇಕೋ ಕೇಳಿ ಸಾರಿನಲ್ಲಿ, ಸಾರ್
ನಿಮಗೆ ಸ್ಪೆಶಲ್ ಮಾಡಿ ಹಾಕ್ತೀನಿ

ಏನ್ರೀ, ಟೊಮೋಟ ಹಾಕದ್ರೆ ಪರವಾಗಿಲ್ಲ.
ಬೇರೆ ತರಕಾರಿ ಹಾಕಿದ್ರೆ ಹುಳಿ, ಸಾಂಬಾರುಗಳು ಆಗತ್ವೆ ಅಲ್ವೇನ್ರೀ?

ನೀವು ಹೇಳಿದ್ದು ಸರಿ ಸಾರ್. ಬೇರೆ ಅವರು, ಹುಳೀಗೂ, ಸಾಂಬಾರಿಗೂ "ಸಾರ್" ಅಂತಾನೇ ಅಂತಾರೆ ಸಾರ್.

ಈಗ ಗೊತ್ತಾಯ್ತು!

ಯಾರಿಗೂ ಬೇಜಾರು ಮಾಡಿಸಬಾರದು ಅಂತ ಎಲ್ಲದಕ್ಕೂ ನಾವುಗಳೂ "ಸಾರ್" ಅಂತನೇ ಅಂತೀವಿ

ಸರಿ. ಅಷ್ಟೇ ತಾನೇ ನಿಮ್ಮ ಮೆನ್ಯು?

ಇನ್ನೂ ಇದೆ ಸಾರ್. ಇವೆಲ್ಲ ನಮಗಾಯ್ತು, ನಿಮಗಾಯ್ತು
ನೀವು ಹಿಂದಗಡೆ ಬಾಗಿಲಿನಿಂದ ಬಂದರೆ, ಇನ್ನೊಂದು ಸೆಕ್ಷನ್ ಇದೆ, ಸಾರ್.

ಅದ್ಯಾವುದು ರೀ? ಬೇರೆ ಹೋಟಲ್ಲೇ?

ಅಲ್ಲ, ಸಾರ್. ಸಾರಿ ಸಾರ್: "ಅಲ್ಲ" ಅಂತ ಮರೆತು ಅಂದುಬಿಟ್ಟೆ ಸಾರ್, ಕ್ಷಮಿಸಿ ಸಾರ್.
ಇಲ್ಲೀ ಅಡಿಗೆ ನಮ್ಗೆ, ನಿಮ್ಗೆ ಆದ್ರೆ, ಅಲ್ಲಿ ಅಡಿಗೆ ಬೇರೇವ್ರಿಗೆ ಸಾರ್.

ಅರ್ಥ ಆಯ್ತು. ಆ ಹೋಟಲ್ಲಿನ ಸೆಕ್ಷನ್ನಲ್ಲಿ ಬೇರೆ ತರಹದ್ದು ಹಾಕತೀವಿ
ಅಲ್ಲಿ ಕೋಳಿ ಸಾರ್, ಮೀನ್ ಸಾರ್..... ಹಾಗೆ ಬೇರೆ ತರಹದ್ದೆಲ್ಲ ಹಾಕಿ ಸಾರ್ ಮಾಡ್ತೀವಿ ಸಾರ್.

ನೀವೇ ಮಾಡ್ತೀರೆನ್ರಿ ಅದೂ ಕೂಡ?

ಇಲ್ಲ ಸಾರ್. ಸುಮ್ಮನೆ ತಮಾಷೆ ಮಾಡಬೇಡಿ ಸಾರ್.
ಅದಕ್ಕೇ ಬೇರೆ ಅಡುಗೆ ಮನೆ ಇದೆ ಸಾರ್.
ಬೇರೆ ಅಡಿಗೆಯವ್ರೂ ಇದಾರೆ ಸಾರ್.

ಇನ್ನು ಮುಂದೆ ವರ್ಣನೆಯೆಲ್ಲಾ ಮಾಡಬೇಡಿ.
ಆಗಿರೋ ಹಸಿವೂ ಹೋಗಿ ಬಿಡತ್ತೆ.

ನನಗೆ ಮೈಸೂರ್ ಸಾರೇ ಸಾಕು
ಬೇಗ ತಂದು ಕೊಡಿ

ಭಾನುವಾರ, ಏಪ್ರಿಲ್ 4, 2010

ನೀವೆಲ್ಲರಿರುವೆ

ನೀವೆಲ್ಲರಿರುವೆ
ಕೆ. ಆರ್. ಎಸ್. ಮೂರ್ತಿ

ನಾನಿರುವೆ, ನೀನಿರುವೆ,
ಅವನಿರುವೆ, ಅವಳಿರುವೆ,
ಇವರೆಲ್ಲರಿರುವೆ, ಅವರೆಲ್ಲರಿರುವೆ,
ಅಲ್ಲೂ ಇರುವೆ, ಇಲ್ಲೂ ಇರುವೆ, ಎಲ್ಲೆಲ್ಲೂ ಇರುವೆ
ಹಿಂದೂ ಇರುವೆ, ಮುಂದೂ ಇರುವೆ, ಎಂದೆಂದೂ ಇರುವೆ.

ಇರುವೆ ಲೋಕದಲಿ ಬರೀ ಇರುವೆ.
ಇರುವೆ ಪರ ಲೋಕ ಸೇರಿದ ಮೇಲೆ,
ಇರುವೆಯ ಮರು ಇರುವು;
ಸರಿಯಾದ ಇರುವೆಗೆ ಮರು ಇರುವೆಯ ಇರುವಿಲ್ಲ
ಬೇರೆಯಾದ ಇರುವೆಗೆ ಮರು ಇರುವೆಯ ಇರುವು ಖರೆ.

ಸಾರಿದನು ಸಾವಿರ ಸಾರಿ ಈ
ಸರಿ ಅರಿವನ್ನು ಗುರು ಇರುವೆಯು
ಮರಿ ಇರುವೆಗೂ, ಸಪೂರ ಇರುವೆಗೂ,
ತೋರ ಇರುವೆಗೂ, ಅಸುರ ಇರುವೆಗೂ
"ಮರೆಯ ಬೇಡಿರಿ ಇರುವೆಯ ಇರುವಿನ ಸಾರ
’ಇರುವೆಯ ದೇವರೂ ಇರುವೆ’".

ನೆರೆಹೊರೆಯ ಬಿಲದ, ಇತರ ಮರದ
ಇರುವೆ ಕೂಟದ ಸಾಲು ನೆರೆದರು ಸೇರಿ, ಸೇರಿ;
ನೂರಾಯ್ತು, ಸಾವಿರ ಸಾವಿರವಾಯ್ತು.

ಇರುವೆ ಸಂಸಾರಗಳೆಲ್ಲ ಎರಗಿದವು
ಗುರು ಇರುವೆಗೆ ಅಪಾರ ನಮ್ರತೆಯಲಿ.
ಇರುವೆಗಳು ಪಂಕ್ತಿ, ಪಂಕ್ತಿಯಲಿ
ಸಕ್ಕರೆಯ ಅರ್ಪಣವ ಸೇರುಗಟ್ಟಲೆ ಸುರಿದು
ಗುರುವರನಿಗೆ ಇರುವೆಯ ಸುಂದರಿಯರು ನೀರೆಯರು
ಸುರಿಸಿದರು ತರತರದ ಒಲವನ್ನು
ಬಾರಿ, ಬಾರಿ ಗುರುವಿನ ಮೈಮೇಲೇರಿ.

ಏರಿತು ಗುರುಗಳ ಮದವು
ಮರೆತು ಮೈಮನ ಜೋರಾಗಿ ಒರಲಿದರು
"ಆರೂ ಅಲ್ಲ ಆ ದೇವರು ಇರುವೆ,
ಇರುವೆನು ನಿಮ್ಮೆದುರು ಸುರರೆಲ್ಲರಿಗೆ
ಅರಸು ನಾನು, ಅರಸ ಬಾರದು ಬೇರೆಲ್ಲೂ
ಅರಿಯಿರಿ ಇರುವೆ ಪೌರರೇ
ಅರಿಯಿರಿ ಈ ಪರತತ್ವವನು",
ಒರಲಿದರು ಧೈರ್ಯದಲಿ
"ನೆರೆ ನಂಬಿ ನಾನೇ ಸಕಲವರಿದ ಗುರು’,
ಸರಿಯಾದ ಇರುವೆ ದೇವರು"

ಗುರುವಾರ, ಏಪ್ರಿಲ್ 1, 2010

ಬ್ರಹ್ಮಾಂಡ ತಲೆ ನನ್ನದು

ಬ್ರಹ್ಮಾಂಡ ತಲೆ ನನ್ನದು
ಕೆ. ಆರ್. ಎಸ್. ಮೂರ್ತಿ

ನಾನ್ಯಾರು?
ನನ್ನ ತಲೆಯೊಳಗೇನಿದೆ?
ನನ್ನ ಅಂತರಾಳದೊಳಗೇನಿದೆ?
ತಿಳಿಯಬೇಕೇ?

ಕಿವಿ ನೆಟ್ಟಗೆ ಮಾಡಿ;
ಪದ್ಮಾಸನ ಹಾಕಿ;
ತದೇಕ ಚಿತ್ತವಿರಲಿ;
ಬೇಕಾದರೆ ಬರೆದುಕೊಳ್ಳಿ

ನಿಮ್ಮಿಷ್ಟದಂತೆ ದೊಡ್ಡ ಡಂಗುರವನ್ನೇ ಹೊಡಿಸಿ,
ನನ್ನದೆಂಥ ಪ್ರಚಂಡ ಬ್ರಹ್ಮಾಂಡ ತಲೆಯೆಂದು.

ನಿಮಗೆ ವಾಕರಿಕೆಯಾದರೆ, ಸ್ವಲ್ಪ ನುಂಗಿಕೊಳ್ಳಿ;
ನಿಮ್ಮ ಮಡಿ ತಲೆಗೆ ಮೈಲಿಗೆಯಾದರೆ,
ಅದು ನಿಮ್ಮ ಹಣೇಬರಹ; ಪ್ರಾರಬ್ಧ ಕರ್ಮ.


ನಾನು ಬಲುತುಂಟ;
ಅತಿಕೊಬ್ಬಿನ ಮೇಧಾವಿ;
ಉಲ್ಬಣಿಸಿದ ಘಾಸಿಯ ಹುಚ್ಚು ಬಿಳಿ ಕುದುರೆ;
ಅರವತ್ತು ನಾಲ್ಕಿಗೂ ಮೀರಿದ ವಿದ್ಯಾವಂತ;
ಹಿಂದೆಂದೂ ಹುಟ್ಟಿ ಬಂದಿರದ ಉಧ್ಧಂಡ.

ನಾನು ತಪಸ್ಸಿಗೆ ಕುಳಿತರೆ,
ಹೊಸ ಲೋಕವನೇ ಸೃಷ್ಟಿಸಿದ
ವಿಶ್ವಾಮಿತ್ರನೇ ಬೀಳುವನು ಎರಗಿ ನನ್ನ ಕಾಲಡಿಗೆ

ನನ್ನ ಬಾಯಿಂದ ಹರಿವಾಗ ವಾಕ್ಗಂಗೆ
ವೇದವ್ಯಾಸರಿಗೆ ಲೇಖನ ಹಿಡಿದ
ಆನೆ ತಲೆಯು ಓಡಿ ಬರುವನು ಲೇಖನನಾಗಿ ನನಗೆ

ಹಿಂದೆ ಎಂದೂ ಹುಟ್ಟಿ ಬರದ ಗರ್ವಿ
ರಾವಣನಿಗೂ ಮೀರಿದ ಅಹಂಕಾರ
ಹಿರಣ್ಯ ಕಶಿಪುವನ್ನೇ ನಾಚಿಸುವ ಮದ
ಕೌರವೇಶ್ವರನಿಗೂ ಹೆಚ್ಚಿನ ಹೆಣ್ಣಿನ ಹುಚ್ಚು

ಗೊಲ್ಲನಿಗೆ ತಲೆ ಬಾಗದ,
ಸುಡುಗಾಡು ಅಲೆದಾಡುವ ವಿಭೂತಿ ಮಯ್ಯಿನ
ಪರಶಿವನಿಗೇ ಕೈಮುಗಿಯದ
ಹೆಂಡತಿಯ ಪತ್ತೆಯಿಲ್ಲದೆ
ಕಣ್ಣೀರಿಟ್ಟ ರಾಮನಿಗೆ ಎರಗದ
ಅವನ ಸೇವಕ ಕಪಿಗೆ ಬೆಲೆಕೊಡದ
ಸದಾ ತಪಸಿ ಕಮಲಾಸನನ ನೆನೆಯದ
ಭಂಡ, ಮೊಂಡ, ಚಂಡ ಪ್ರಚಂಡ
ಬ್ರಹ್ಮಾಂಡಕೂ ಬೃಹತ್ ತಲೆ.

ತುಂಟ ಕುಂಚ

ತುಂಟ ಕುಂಚ
ಕೆ. ಆರ್. ಎಸ್. ಮೂರ್ತಿ

ಕೋಮಲ ಕುಸುಮಕೂ ಸುಂದರ ಕೋಮಲೆ ನಾನು
ಸುಗಂಧ ಬೀರುತ್ತಾ, ರಸಿಕರಿಗೆ ಹಂಚುವೆನು ಜೇನು

ನಿಮ್ಮ ಮನವನು ಸೆಳೆದು ಒಯ್ಯುವೆನು ಬಲು ದೂರ:
ವನವಿಹಾರ, ಪ್ರಕೃತಿಯ ಅಪಾರ, ಸಮುದ್ರದ ತೀರ

ಪ್ರೇಮಿಗಳ ಸಲ್ಲಾಪ, ಚೆಲ್ಲಾಟ; ವಿರಹಿಗಳ ನೆನಪಿನಾಳ
ಮೇಘ ಸಂಚಾರಿಯೂ ನಾನು, ಕಾಳಿದಾಸನ ಅಡಿಯಾಳ

ಪುಟ್ಟ ಕಂದನ ಕೇಕೆ, ಅಮ್ಮನ ಮಡಿಲಲ್ಲಿ ಮಲಗುವ ಅಂದ
ಮೊಲೆಯನು ಕೈಲಿ ಪಿಡಿದು ಹಾಲನು ಹೀರುವ ಚಿನ್ನನ ಚೆಂದ

ಹೌದು ನಾನಾಗ ಕುಸುಮಕೂ ನಯ, ಮೋಡ ಏರಲು ಹಗುರ
ಬರೆದ ಕವಿಗೆ ಅಮಿತಾನಂದ, ಓದುಗರಿಗೆ ಆನಂದದ ಸಾಗರ

ಪೌರ ಜವಾಬ್ದಾರಿ ವಿಹೀನ, ಪುಂಡ ಪುಡಾರಿ, ಲಂಚಗುಳಿಗಂತೂ
ಛೇಡಿಸಿ ಚಾಟಿಯೇಟು, ಛೀಮಾರಿಯ ಮೋರಿಯಲಿ ಕೊಳಕು ಜಂತು

ನಿನಗೆ ಚಾವಟಿ ಏಟು ಹೊಡೆದ ರಭಸಕೆ ಲೇಖನಿ ನಾನು ರಕ್ತ ಕಾರುವೆ
ಗೊರಕೆ ಹೊಡೆಯುವ ಪುರಜನರ ಪೌರ ಪುರುಷತ್ವವನೇ ಬಡಿದೆಬ್ಬಿಸುವೆ

ಕವನ, ಕಥೆ, ಕಾದಂಬರಿ, ಕೊಂಕು ಇಂಕಿನ ಚುಟುಕದ ಛೂಬಾಣದ ಸ್ಫೋಟ
ಪದ ಬಾಣದ ಬತ್ತಳಿಕೆಯ ಸರ್ಪಾಸ್ತ್ರ, ಅಗ್ನ್ಯಾಸ್ತ್ರ, ಸಂಮೊಹನಾಸ್ತ್ರದ ಚೆಲ್ಲಾಟ

ರಸ‌ಋಷಿಗಳ ವರದಾನದ ಅಳೆದು, ಬೆರೆಸಿ, ಲೆಕ್ಕ ಹಾಕಿದ ಮಾತ್ರೆಗಳ ಕಾವ್ಯ
ನಗೆ, ನಾಟಕ, ದಿಡೀರನೆ ಚೆಲ್ಲುವೆನು ವಿಡಂಬನೆ, ಪೌರ ಪತ್ರಿಕೋದ್ಯಮದ ಹವ್ಯ

ವಿವಿಧ, ವಿಚಿತ್ರ, ಪರಿ, ಪರಿ ಭಾವ ಒಂದಲ್ಲ, ಎರಡಲ್ಲ ಸಾವಿರಾರು ಚಮತ್ಕಾರ
ನವರಸದ ರಸಾಯನದ ರಂಗುರಂಗಿನ ಇಂಕಿನ ಔತಣವ ಬಡಿಸುವೆ ಕಂಠಪೂರ