ಕಾಮಣ್ಣನ ಹೂರಣದ ಔತಣ

ಕಾಮಣ್ಣನ ಹೂರಣದ ಔತಣ
ಕೆ. ಆರ್. ಎಸ್. ಮೂರ್ತಿ

ಕಾಮನ ಪೂರ್ಣಿಮೆಯ ಬೆಳದಿಂಗಳಲ್ಲಿ ಹೂರಣದ ಔತಣವನಿಕ್ಕುವೆ
ಕಣ್ಣ ರೆಪ್ಪೆಯ ತುಸು ಮಿಟುಕಿಸುವುದರೊಳಗೆಯೇ ಬಾರೆ ಎನ್ನೋಲವೇ

ಜೇನಿನಂತಹ ಜೋನಿ ಬೆಲ್ಲ, ಬಂಗಾರದ ಬಣ್ಣದ ಹದನಾದ ಬೇಳೆ
ಘಮವ ಉಲ್ಬಣಿಸಿದೆ ಬೆರೆತ ಏಲಕ್ಕಿ, ಹೊಸೆದ ನುಣ್ಣ ಕಣಕದ ಮೇಲೆ

ಬಿಸಿಯಾದ ಕಾವಲಿ, ಚುಂಯ್ ಎನುತಿರುವ ನಯವಾದ ತುಪ್ಪವ ಸುರಿದು
ಹೋಳಿಗೆಯ ಲಟ್ಟಿಸಿ, ಒಂದಾದ ಮೇಲೊಂದು ಮೊಗಚಿಕಾಯಿ ಹಾಕಿ ಎರೆದು

ಬಿಸಿ, ಬಿಸಿ ನಿನ್ನ ನಾಲಗೆಯ ಮೇಲಿಡುವೆ, ಹಾಯಿ, ಹಾಯಿ ಎಂದೆನಿಸುವುದು
ಇಹದಿಂದ ಪಯಣ ನಿನಗೆ ಇಂದ್ರನರಮನೆಗೆ ಇರುಳೆಲ್ಲ ನಡೆಯುತಿರುವುದು